Guðfinna

Aldeilis frábært hjá “strákunum okkar” að ná í silfrið í Kína. Geri aðrir betur! Er að sjálfsögðu að miða við höfðatölu.

Að vísu er eyja- þarna undan Ástralíu sem ég náttúrlega man ekki hvað heitir- sem hefur ekki nema 12.000 íbúa en átti samt 3 keppendur á ólympíuleikunum- gaman að því. Að vísu verður það ekki lengi enn, því með hækkandi stöðu sjávar verður ekki byggilegt þar.

En… Íslendingar hinir fámennu voru að gera það gott- þó þeir ynnu nú ekki Frakka- var nú kannski ekki við því að búast enda voru þeir bara betri. Hvort sem það var á taugum eða eitthvað annað !

En eftir stendur SILFUR og er það ekki bara frábært!

[Athugasemdir: 0]

1/3 ég, Rut, Magga, Krissi og Haddi. Þarna sitjum við grunlaus um að fótbrot beið handan við Búðaveginn.

Maggi, Ingvar og Olla.

Haddi, Sigga og Hafsteinn-gott teymi

Hafsteinn hélt stutta ræðu um gildi þess að við séum öll á lífi, sem er að sjálfsögðu ekki sjálfgefið. Síðan skálaði hann við okkur í lífsins vatni, þ.e. eftir að hann fékk stóru flöskuna.

Rut, Magga og Krissi. Aftur því þau eru svo krúttleg þarna í horninu.

Út við gluggana eru: Inni, Steina, kona Tóta og Jörgens. Á móti eru eru ektamakarnir og Baldi “hnakki”

Ingvar, Olla og Sibba -Ölli í baksýn

Þá held ég Addi frændi sé myndarlegur við myndatökur

Við Krissi að mynda hvort annað-við að taka mynda af hinu! (góð setning)

Ég var slöpp við myndatöku þetta kvöld. Vantar a.m.k. þrjár myndalegar konur. Auglýsi eftir myndum af þeim!

Það var góður matur á Sumarlínu enda er allt uppétið og glösin tóm þegar hér er komið sögu á þessu föstudagskvöldi og ekkert annað að gera en drífa sig í brekkuna.

[Athugasemdir: 0]

Áð hjá Heiðu afmælisbarni, 22 ára stúlkan. Begga, kendirísstýra, er þarna með henni. Hún er nú reyndar 23 eða eitthvað u.þ.b.

Lifrarbræðslupottur af Fögrueyri genginn í endurnýjun lífdaga og orðinn bæjarprýði

Þórunn, Esther og Guðbjörg -valkyrjur af guðs náð

Íslenska-frönsk freestyle-glíma. Hannes, Ingólfur og Wojetek sýna.

Sumir komu á bíl í gönguna. Brynjar Andri “kó-dræver” er alveg að “fíla” græjurnar.

Að lokinni göngu hélt fjörið áfram á “Línu”. Steinn og Þórólfur flottir.

Það var alls staðar fólk. Valdi, Arnleif, Helga og Stefán (Díi)

Nóttin var ung. Íris, Þórunn, Ásta, sjarmurinn Steinar og Esther.

Ölli mættur með húfurnar góðu, stílistinn sjálfur !

[Athugasemdir: 0]

Finnst ekki viðeigandi að nota stallinn sem stökkpall. Látnum og legstað þeirra á að sýna virðingu. Ekki bara á Frönskum dögum.

[Athugasemdir: 0]

Hef ekki takmarkalausan húmor fyrir Jóni Gnarr, svona alla jafna; en þarna fer hann á kostum karlinn!

[Athugasemdir: 0]

Árgangur ‘58 úr Barna-og miðskólanum Búðum, eins og sú merka stofnun hét þá, hittist á Frönskum dögum þetta árið. Heimavarnarliðið hefur fundað reglulega á þorpskránni að undanförnu til að undirbúa hittinginn. Við vorum heldur fáliðuð í Kendirísgöngunni á fimmtudagskvöldið en það kemur auðvitað ekki fyrir aftur. Á föstudagskvöldið snæddum við saman hinn “dægilegasta” kvöldverð á Línu eftir að tókst að fleygja Hemma Gunn og Bylgjulestinni á dyr. Síðan var skundað í skrúðgarðinn á brekkasöng og varðeld. Viðurkenni að ég entist ekki alltof lengi þetta kvöld -var ennþá dálítið lúin eftir fimmtudagsstartið.
Á laugardeginum var haldið í óvissuferð -sem endaði inná í dal við Hrútárfoss, í bongóblíðu.  Góð ferð.
Um kvöldið var svo fyrirpartý í Viðarsbúð- frumlegt- en svínvirkaði. Ball og barinn á eftir. Gaman, gaman alveg fram á morgun. Aðeins fjórir “naglar” hittust á franska safninu á sunnudagsmorgninum.

Þeir úr árgangi ‘58 sem fóru inn að Hrútárfossi.

Hraustir menn kældu sig undir fossinum.

Nokkrir hraustir fóru bakvið fossinn- skemmtileg upplifun - sérstaklega í góðu sólskini. Maggi að koma á bakkann hinu megin.

[Athugasemdir: 0]

Alltaf gerir maður nú eitthvað af sér. Þegar ég var í Eyjafirði í sumar taldi ég mig gera reifarakaup á borði, mögnuðu borðstofuborði frá “Svefni og heilsu” sem ég fékk á slikk vegna útlitsgalla. Brennt var með gripinn austur á land og viðafyllir og málning munduð. Þegar búið var að fylla, pússa og mála heila helgi á sólpallinum við bústaðinn,var gripnum druslað inn og hafist handa við að setja saman. -Það tók allt kvöldið - vægt til orða tekið.

Nú hrósaði ég happi ! (Þrátt fyrir að Gunnar væri eitthvað að tuða um að stólarnir pössuðu ekki við)

Nú er ég óvinsælasta manneskjan í allri stórfjölskyldunni. Borðið er svo hátt að fjölskyldan finnur til mikils skyldleika við Ragnar Reykhás! Að vera innst úr Breiðdalnum, að stofni til, er nógu erfitt. Þetta er dropinn sem fyllir mælinn. Allir grautfúlir!

[Athugasemdir: 0]

Það nýjasta á fótsnyrtistofum, úti í hinum stóra heimi, er að láta heila torfu gúbbífiska narta í tær viðskiptavina. Kúnninn setur fæturnar niður í búr fullt af smáfiskum sem éta hroðann utan af fótum viðskiptavina.

Hvað segja dýraverndunarsamtök við þessu?

Gæti ekki dauð húðfruma staðið í greyjunum?

[Athugasemdir: 0]

Sölvi Kristinn og Karen voru á Vopnafirði nýlega með son sinn sem er rauðhærður, þar sagði kona við barnið: “Þetta vex af þér vinurinn!”

Veit ekki hvaða læknisfræðilega heiti er notað yfir svona fólk, en þetta er klárlega einhver (vonandi sjaldgæf) röskun.

[Athugasemdir: 0]

Útlendingastofnun er búin að vera að “brottvísa” og “brottvísa” hægri, vinstri. Hvenær nam þessi sögn land hér spyr ég nú bara? Gat hún ekki bara vísað brott? -fyrst það var nauðsynlegt á annað borð.

Og í Kastljósi í kvöld: Þrír “tjaldfuglar” höfðu gert sig heimakomna hjá einhverri góðri konu í Reykjavík. Hélt nú bara að verið væri að kynna til sögunnar tjald-túrista, þegar blessuð konan bunaði þessu út úr sér. Sá nú ekki annað en þetta væri þrír tjaldar, þegar fréttin loks kom!

[Athugasemdir: 1]

« Fyrri skrif